સમાચાર

ગુરુવાર, ૩૦ ઑક્ટ્બર, ૨૦૨૫

મુલુંડ ક્વીન ઓફ સેન્ટ્રલ સબર્બ્સ

મુલુંડ એમુંબઈના ઉત્તર-પૂર્વ વિસ્તારમાં આવેલું એક અત્યંત ઝડપી ગતિએ વિકસતું ઉપનગર છે. તેની અતિ-આધુનિક ઈન્ફ્રાસ્ટ્રક્ચર અને ઉત્તમ સુવિધાઓને કારણે તેને  યોગ્ય રીતે જ સેન્ટ્રલ સબર્બ્સની રાણી (Queen of Central Suburbs) કહેવાય છે. સાથે જ તે તેના શાંત અને હરિયાળા વિસ્તારોને કારણે તે મુંબઈનું સૌથી હરિયાળું ઉપનગર પણ છે.
મુલુંડ પૂર્વવિસ્તાર મુખ્યત્વે રહેણાંક છે, જ્યાં શાંતિપૂર્ણ અને આકર્ષક સ્થાનોમાં અનેક લક્ઝુરિયસ કોમ્પ્લેક્સ આવેલાં છે, જ્યારે મુલુંડ પશ્ર્ચિમ વિસ્તાર રહેણાંક કોમ્પ્લેક્સ સાથે સાથે અનેક બિઝનેસ સેન્ટર અને શાનદાર શોપિંગ મોલ્સને પણ ધરાવે છે.
આજે મુલુંડ એ રિયલ એસ્ટેટના એવા તબક્કામાં છે જ્યાં સુખાકારીપૂર્ણ અને આધુનિક જીવનશૈલી માટેની માંગ વધતી જાય છે. ઊંચા ટાવર્સ અને વિશાળ ટાઉનશીપ્સનું બાંધકામ થઈ રહ્યું છે, જે મુંબઈના આ ભાગની સ્કાયલાઇન અને રહેણાંકની પરિભાષા બદલી નાખશે. મુલુંડ એ એક સુનિયોજિત ઉપનગર (પ્લાન્ડ સબર્બ) છે, જેની ડિઝાઇન જર્મન આર્કિટેક્ટ્સ કાર્ટર અને બ્રાઉનએ 1922માં તૈયાર કરી હતી. એટલે તે તેના પહોળા રસ્તાઓ, હરિયાળી અને વ્યવસ્થિત આયોજનને કારણે ચંડીગઢની યાદ અપાવે છે.
મુલુંડના વિકાસ વિશે એક અગ્રણી રીયલ એસ્ટેટ કંપનીના એક્ઝિક્યુટિવ ડિરેક્ટરએ જણાવ્યું કે, અત્યાધુનિક એમિનિટીઝ ધરાવતા ટાવર્સ, રિટેલ આઉટલેટ્સ અને કમર્શિયલ સંસ્થાઓના ઝડપી વિકાસ સાથે મુલુંડ ઉપનગરનું સ્વરૂપ બદલાઈ રહ્યું છે. અનેક ઊંચી ઈમારતો ઊભી થઈ ગઈ છે અને ઘણી વધુ આવવાની બાકી છે. ઈન્ફ્રાસ્ટ્રક્ચર પ્રોજેક્ટ્સના વિકાસથી મુલુંડ હવે નવી મુંબઈ, થાણે અને દક્ષિણ મુંબઈ સાથે સરળતાથી જોડાયેલું છે  જલ્દી જ ગોરેગાંવ પણ આ જોડાણમાં આવશે. ઉચ્ચ સ્તરની લાઇફસ્ટાઇલ, પ્રતિષ્ઠિત બ્રાન્ડ્સ, મોલ્સ અને રેસ્ટોરાંની હાજરીએ ઘર ખરીદદારોને ‘હાઇ સ્ટ્રીટ લિવિંગ’નો અનુભવ આપ્યો છે. સાથે આસપાસનો હરિયાળો વિસ્તાર મુલુંડને સુવિધા અને આરામનું આદર્શ સંમિશ્રણ બનાવે છે.
મુલુંડ, સેન્ટ્રલ રેલવે લાઇન પરના સૌથી વ્યસ્ત સ્ટેશનોમાંનું એક છે. મુંબઈ મેટ્રો લાઇન 4અને ગોરેગાંવ-મુલુંડ લિંક રોડ જેવા ઈન્ફ્રાસ્ટ્રક્ચર પ્રોજેક્ટ્સ પૂર્ણ થતાં રીયલ એસ્ટેટના ભાવમાં તેજીથી વધારો થવાનો છે. મુલુંડ સંજય ગાંધી નેશનલ પાર્કની પર્વતમાળાના તળિયે વસેલું છે અને ઈસ્ટર્ન એક્સપ્રેસ હાઈવે સાથે સરળતાથી જોડાયેલું છે. મુલુંડ-ઐરોલી બ્રિજ, થાણે-બેલાપુર રોડ અને થાણે-પનવેલ રેલ માર્ગ દ્વારા નવી મુંબઈ સુધી ઝડપી પહોંચ શક્ય છે.
અન્ય એક સુપ્રસિદ્ધ રીયલ એસ્ટેટ કંપનીના વાઇસ પ્રેસિડન્ટ જણાવે છે કે, મુંબઈના ઉપનગરોમાં મલ્ટી-સ્ટોરિડ ટાવર્સ અને કોમ્પ્લેક્સ હવે સામાન્ય બની ગયા છે અને મુલુંડ આ વિકાસના કેન્દ્રમાં છે. મુંબઈના અન્ય મોંઘા વિસ્તારોની સરખામણીએ મુલુંડનું રહેણાંક બજાર હજુ પણ યોગ્ય કિંમતે ઉપલબ્ધ છે, તેથી અહીં મોટી માંગ છે. સ્કૂલ, મોલ, હોસ્પિટલ, રેસ્ટોરાં, ગાર્ડન જેવી સામાજિક સુવિધાઓની નજીકતાને કારણે મુલુંડની કિંમત વધુ વધી છે. નવી મુંબઈ અને થાણેની સીમા નજીક હોવાને કારણે રહેણાંક તેમજ વ્યાવસાયિક બંને ક્ષેત્રે સંતુલિત વિકાસ થયો છે. ઝડપી વિકાસ છતાં મુલુંડનું શાંત વાતાવરણ ઘર ખરીદદારોને ખૂબ આકર્ષે છે.
મુલુંડ IT મુંબઈ, અંધેરી SEEPZ, વિક્રોલીના IT પાર્ક્સ અને પવઈના SEZ સાથે સારી રીતે જોડાયેલું છે. LBS રોડ પર R-MAll અને Nirmal Lifestyle જેવા મોટા મોલ્સ છે; લિંક રોડ પર D-Mart R-Galleria અને વર્લ્ડ-ક્લાસ Fortis Hospital આવેલાં છે. મુલુંડમાં અનેક જાહેર બગીચા પણ આવેલાં છે જેમ કે Johnson Johnson Park, ડૉ. ચિંતામણી દેશમુખ ગાર્ડન, સરદાર પ્રતાપસિંહ ગાર્ડન, મહાકવિ કાલિદાસ ગાર્ડન અને BMC ગાર્ડન વગેરે. ઉત્તમ ઈન્ફ્રાસ્ટ્રક્ચર, સારી ટ્રાન્સપોર્ટ સુવિધાઓ અને ગુણવત્તાયુક્ત શૈક્ષણિક તથા આરોગ્ય સંસ્થાઓને કારણે મુલુંડ ઉચ્ચ સ્તરીય જીવનશૈલીના ઈચ્છુકો માટે એક આદર્શ રહેણાંક વિકલ્પ છે.
છેલ્લાં કેટલાક વર્ષોમાં મુલુંડમાં વિવિધ ડેવલપર્સના નવા અને પૂર્ણતાની કગાર પરના પ્રોજેક્ટ્સ ઝડપથી વધી રહ્યા છે. રિયલ એસ્ટેટના ભાવો સતત વધી રહ્યા છે. છેલ્લા કેટલાક વર્ષોમાં અનેક વિસ્તારોમાં રીયલ એસ્ટેટના ભાવ દોઢથી બે ગણાં, અને કેટલીક જગ્યાએ તો ત્રણ ગણાં સુધી વધ્યા છે.
ટૂંકમાં, મુલુંડ આજના સમયમાં આધુનિકતા, સુવિધા અને હરિયાળું જીવન  ત્રણેનું સંતુલિત મિલન ધરાવતું મુંબઈનું સૌથી વધુ માંગ ધરાવતું ઉપનગર બની ગયું છે.