સમાચાર

ગુરુવાર, ૩૦ ઑક્ટ્બર, ૨૦૨૫

BMC દ્વારા બિલ્ડરોને સેન્સર બેઝ્ડ પોલ્યુશન મોનિટરિંગ સ્ટેશન બેસાડવા માટે અલ્ટીમેટમ

મુંબઈમાં હવાનું પ્રદૂષણ ઓછું થાય એ માટે બીએમસીએ મુંબઈમાં ચાલી રહેલી હાલની 1200 જેટલી ક્ધસ્ટ્રકશન-સાઈટ પર એક મહિનામાં સેન્સરબેઝ્ડ પોલ્યુશન મોનિટરિંગ સ્ટેશન બેસાડવા કહ્યું છે અને એનું ડિજિટલ ડિસ્પ્લે બહાર દેખાય એ રીતે ગોઠવવા કહ્યું છે.
જેથી એ સાઈટ પર કેટલું પોલ્યુશન છે એ જાણી શકાય. બીજું, એથી એ ક્ધસ્ટ્રકશન-સાઇટ પર પોલ્યુશનને કંટ્રોલમાં રાખવા પગલાં લેવાયાં છે કે નહીં એની જાણ પણ થઈ શકશે. 1200માંથી 600થી 700 સાઈટ પર પોલ્યુશન મોનિટરિંગ સ્ટેશન લગાવાઈ ગયાં છે. જો બિલ્ડર કે ડેવલપર એ એક મહિનામાં નહીં બેસાડે તો મનપા તેની સામે દંડાત્મક પગલાં લેશે જેમાં સાઇટ બંધ કરી દેવાની પણ જોગવાઈ છે.
મનપાના સિવિક એન્વાયર્નમેન્ટ ડિપાર્ટમેન્ટના ઑફિસરોએ આ બાબતે હાલમાં જ બિલ્ડર્સ સાથે બેઠક કરી હતી. જેમાં એમણે બિલ્ડરોને ક્ધસ્ટ્રકશન-સાઈટ પર ઊડતી ધૂળને કાબૂમાં લેવા પગલાં લેવા જણાવ્યું હતું. આમાં પ્રાઈવેટ બિલ્ડર્સની સાઈટ સાથે મહારાષ્ટ્ર હાઉસિંગ ઍન્ડ એરિયા ડેવલપમેન્ટ ઑથોરિટી (MHADA) અને સ્લમ રીહેબિલિટેશન ઑથોરિટી (SRA)ની ક્ધસ્ટ્રકશન સાઈટનો પણ સમાવેશ થાય છે. તેમણે પણ આ ગાઈડલાઈન ફોલો કરવાની રહેશે.
ક્ધસ્ટ્રકશન-સાઇટ પર હવાનું પ્રદૂષણ ઓછું કરવા શું પગલાં લેવા તેની ગાઇડલાઇનમાં ડિમોલિશન અને બાંધકામ થતું હોય ત્યારે ઊડતી ધૂળને કાબૂમાં રાખવા પાણી છાંટવાની વ્યવસ્થા કરવી. વાહનો ધોવા. સાઈટની ચારે બાજુ 35 ફુટ ઊંચાં પતરાં લગાવવાં. ક્ધસ્ટ્રકશન-સાઈટને તાડપત્રીથી ઢાંકવી જેવા ઉપાયોનો સમાવેશ થાય છે.