સમાચાર

બુધ્વાર, ૫ નવેમ્બર, ૨૦૨૫

હેલ્મેટ ન પહેરવા બદલ દંડિત થનાર સ્ટુડન્ટે થાણે ટ્રાફિક પોલીસની ફજેતી કરી

થાણેમાં એક વિદ્યાર્થીએ ટ્રાફિક-પોલીસના બે અધિકારીઓનો પીછો કરીને તેમના સ્કૂટરને રોકી લીધું હતું એટલું જ નહીં, આ સ્કૂટર પર બેઠેલા બન્ને ટ્રાફિક-પોલીસના ફોટો પાડીને તેમના સ્કૂટરની નંબર-પ્લેટ સ્પષ્ટ દેખાતી ન હોવા બદલ દંડ ભરવાની માગણી કરી હતી. આખી ઘટના તેના મિત્રએ વિડિયોમાં રેકોર્ડ કરી હતી, જે સોશ્યલ મીડિયા પર વાઇરલ થઈ હતી. પાછળ બેઠેલા ટ્રાફિક-પોલીસના અધિકારીએ હેલ્મેટ પહેરી નથી જે છઝઘના નિયમ હેઠળ ફરજિયાત છે. જોકે પોલીસે કહ્યું હતું કે આ સ્કૂટર તેઓ અહીં જપ્ત કરવા માટે લાવ્યા છે. તો યુવક સામે પ્રશ્ર્ન કરે છે કે તમે જપ્ત કરવા માટેના વાહન પર કેમ ફરો છો? થાણે પોલીસે જણાવ્યું હતું કે આ યુવક હેલ્મેટ વિના મોટરસાઇકલ ચલાવતો હતો એટલે તેની પાસેથી દંડ વસૂલ કર્યો હતો જેને લીધે તેણે આ હરકત કરી હતી. થાણે પોલીસે આ વિડિયોને ગેરમાર્ગે દોરનારો ગણાવ્યો હતો અને સ્કૂટરની નંબર-પ્લેટને લઈને કાર્યવાહી પણ કરી હતી.