સમાચાર

બુધ્વાર, ૯ એપ્રિલ, ૨૦૨૫

મુલુંડની સોસાયટીમાંથી ઉગારી લેવાયું એક ગોલ્ડન શિયાળ

તાજેતરમાં જ મુલુંડની એક હાઉસિંગ સોસાયટી નજીક એક કાર નીચેથી એક ગોલ્ડન શિયાળને એનજીઓ છઅઠઠ દ્વારા બચાવી લેવામાં આવ્યો હતો. આ પ્રકારના શિયાળની સંખ્યા ઘટતી જતી હોવાથી તેનું અસ્તિત્વ ખતરામાં હોવાનું જાહેર કરવામાં આવ્યું છે.
મુંબઈ મેટ્રોપોલિટન રિજન (ખખછ)માં આ પ્રકારના શિયાળોની વસ્તી ઘર છે. જોકે, તેમનાનિવાસસ્થાનનો વિનાશ, જંગલી કૂતરાઓ અને રસ્તા પર વાહનો દ્વારા કચડાઈ જવા જેવા જોખમો તેમના અસ્તિત્વ માટે નોંધપાત્ર પડકારો ઊભા કરે છે.ભારતીય ઉપખંડના વતની, સોનેરી શિયાળ જંગલના પર્યાવરણ માટે મહત્વપૂર્ણ છે. તે અને સર્વભક્ષી છે અને નાના સસ્તન પ્રાણીઓ, પક્ષીઓ, માછલીઓ, સસલા અને ફળો ખાય છે.
આ પ્રાણીઓ મુંબઈ, નવી મુંબઈ અને થાણે જેવા મુખ્ય શહેરોના મેન્ગ્રોવ વિસ્તારોમાં છૂપાઈને પોતાનું અસ્તિત્વ જાળવી રાખવામાં સફળ રહ્યા છે. આ વિસ્તારોના ઘણા ભાગોમાં મેન્ગ્રોવ જંગલો આવેલા છે, જેમાં થાણે ક્રીક ફ્લેમિંગો અભયારણ્ય, ભાંડુપ પમ્પિંગ સ્ટેશન, ચારકોપ, વર્સોવા, વસઈ, ભાયંદર અને ઘોડબંદર રોડનો સમાવેશ થાય છે. ભૂતકાળમાં, માનવ-શિયાળ સંઘર્ષના અનેક કિસ્સાઓ બન્યા છે, જેમાં મુલુંડ અને વિક્રોલીમાં મેન્ગ્રોવ જંગલો નજીક માનવ વસાહતોમાંથી કેટલાક શિયાળને બચાવી લેવામાં આવ્યા હતા.કમનસીબે, સોનેરી શિયાળને તેમના રહેઠાણ અને અસ્તિત્વને ટકાવી રાખવા માટે અસંખ્ય જોખમોનો સામનો કરવો પડી રહ્યો છે.