સમાચાર

શુક્રવાર, ૧૪ નવેમ્બર, ૨૦૨૫

મુલુંડમાં મુંબઈ પ્રદેશ કોંગ્રેસ કમિટી દ્વારા ફોર્ટિસ મેડિકલ કેમ્પનું સફળ આયોજન

જન સામાન્યના સ્વાસ્થ્ય અને કલ્યાણને પ્રોત્સાહન આપવાના હેતુથી મુંબઈ રિજનલ કોંગ્રેસ કમિટી (MRCC)ના મુખ્ય સચિવ રાકેશ શેટ્ટી તથા શ્રીમતી અશ્ર્વિની પોચેના સંયુક્ત આયોજન હેઠળ ફોર્ટિસ મેડિકલ કેમ્પનું આયોજન તા. 9 નવે.ના મુલુંડ ખાતે કરવામાં આવ્યું. આ કાર્યક્રમમાં ઉત્તર પૂર્વ જિલ્લા કોંગ્રેસ અધ્યક્ષ કેતન શાહ, ડૉ. આર.આર. સિંહ સહિતના નેતાઓ ઉપસ્થિત રહ્યા હતા.
આ મેડિકલ કેમ્પમાં ફોર્ટિસ હોસ્પિટલના નિષ્ણાત ડોક્ટર્સ દ્વારા નિ:શુલ્ક ક્ધસલટેશન, ચકાસણી અને નિદાન સેવાઓ પૂરી પાડવામાં આવી હતી, જેનો લાભ મુલુંડ વિસ્તારના સેંકડો રહેવાસીઓને મળ્યો હતો. ઉપસ્થિત લાભાર્થીઓને ફ્રી હેલ્થ ચેકઅપ, દવાઓ અને આરોગ્ય સલાહ આપવામાં આવી હતી. સામાન્ય રોગો અને પ્રિવેન્ટિવ કેઅર વિષે માર્ગદર્શન આપનારો આ મેડિકલ કેમ્પ સમાજના ગરીબ અને વંચિત વર્ગ માટે કોંગ્રેસ પાર્ટીના સર્વ માટે આરોગ્યના સંકલ્પને પ્રતિબિંબિત કરે છે.
આ પ્રસંગે પોતાના વક્તવ્યમાં રાકેશ શંકર શેટ્ટીએ જણાવ્યું હતું કે, આરોગ્ય એ દરેક નાગરિકનો મૂળભૂત અધિકાર છે. આવા કાર્યક્રમો દ્વારા અમે રાજકારણની બહાર જઈને સમાજસેવાના ધ્યેયને મજબૂત બનાવીએ છીએ. ફોર્ટિસ હોસ્પિટલના સહકાર અને અમારા નેતાઓની સક્રિય ભાગીદારી બદલ અમે આભારી છીએ. MRCCએ જણાવ્યું હતું કે મુંબઈને સ્વસ્થ અને સશક્ત બનાવવાના હેતુથી આવા સામૂહિક આરોગ્ય પ્રયાસોને દરેક સ્તરે સમર્થન મળવું જોઈએ. વધુ માહિતી માટે MRCCનો સંપર્ક કરો: +91-22-2262-1114 અથવા મુલાકાત લો શક્ષભળીળબફશ.શક્ષ.