સમાચાર

બુધ્વાર, ૧૯ નવેમ્બર, ૨૦૨૫

સ્કુટર સ્લીપ થતાં મુલુંડના જૈન બિઝનેસમેનનું આકસ્મિક નિધન

મુલુંડ (પૂર્વ)માં નિલમનગરમાં રહેતા 44 વર્ષના જૈન યુવક નયન જૈનનું સોમવાર, તા. 17 નવે.ના વહેલી સવારે આકસ્મિક નિધન થયું.
નવઘર પોલીસ પાસેથી પ્રાપ્ત થયેલી માહિતી અનુસાર પોતાનો બીઝનેસ કરતાં નયન શનિવારની રાત્રે 12 વાગે ઈસ્ટર્ન એક્સપ્રેસ હાઈવે મારફત દાદરથી મુલુંડ આવી રહ્યા હતા ત્યારે રસ્તામાંના ખાડાને કારણે કે અન્ય કારણે તેમનું સ્કુટર સ્લીપ થઈ જતાં તેઓ સ્કુટર પરથી પડી ગયા હતા અને છાતી પર સમગ્ર ભાર આવી ગયો હતો. પોલીસ પેટ્રોલ વાનએ નયનભાઈને જોતાં તેમને તુરંત મુલુંડ (પૂર્વ)ની સાવરકર હોસ્પિટલમાં લઈ ગયા હતા અને પરિવારજનોને જાણ કરતાં નયનભાઈને રવિવારે સવારે નવકાર હોસ્પિટલમાં શિફ્ટ કર્યા હતા. તેમની હાલત સુધારા પર હતી પરંતુ સોમવારે સવારે તેમને છાતીમાં આંતરિક રક્તસ્ત્રાવને પગલે તેમનું નિધન થયું હતું. નયનભાઈ જેન કચ્છ ગામ સાંધવના કે.ડી.ઓ. જૈન પિતાંબર લાલજીભાઈ જૈનના પુત્ર હતા અને તેઓ પરવડી નિવાસી હાલ મુલુંડવાસી મહેન્દ્ર મણીલાલ શાહના જમાઈ હતા. તેમના પરિવારમાં ધર્મપત્ની અને એક પુત્ર છે. નયનભાઈના આકસ્મિત નિધનથી કચ્છી અને ઘોઘારી જૈન પરિવારમાં શોકની લાગણી વ્યાપી ગઈ છે.