સમાચાર

શુક્રવાર, ૧૪ નવેમ્બર, ૨૦૨૫

દાદરની મચ્છી માર્કેટને મુલુંડ ખાતે ખસેડવાની BMCની યોજનાનો માછીમારો દ્વારા વિરોધ

દાદરમાં સેનાપતિ બાપટ માર્ગ પરની ટ્રાફિક સમસ્યા હલ કરવા અને દાદરવાસીઓ તથા માછલીના હોલસેલ વેચાણકારો વચ્ચેના તણાવને ઉકેલવા, બૃહન્મુંબઈ મહાનગરપાલિકા (BMC) એ માછીમારોને મુલુંડના એરોલી ટોલ પ્લાઝા ખાતે સ્થળાંતરિત કરવાની યોજના બનાવી છે. ફૂટપાથ પર માછલી વેચતા 36 માછીમારોને નોટિસો મોકલવાની તૈયારી ચાલી રહી છતાં, તેઓ આ નિર્ણયનો તીવ્ર વિરોધ કરી રહ્યા છે.
ઇખઈના બજાર વિભાગના અધિકારીએ જણાવ્યું કે ગયા અઠવાડિયે યોજાયેલી બેઠકમાં એડીશનલ મ્યુનિસિપલ કમિશ્નર વિપિન શર્માની હાજરીમાં માછીમારોને અસ્થાયી જગ્યા આપવાનો નિર્ણય લેવામાં આવ્યો હતો, પરંતુ હજી તેમની ઔપચારિક મંજૂરી બાકી હોવાથી નોટિસો આપવામાં આવી નથી. માછીમારો મધરાતે ટ્રક લઈને આવે છે અને સેનાપતિ બાપટ માર્ગ પર સવારે 10 વાગ્યા સુધી રસ્તા પર માછલી વેચે છે, એમ ચકાચક દાદર સંસ્થાના સ્થાપક ચેતન કાંબળેએ જણાવ્યું હતું કે,એલ્ફિન્સ્ટન બ્રિજ બંધ થયા પછી અહીં ટ્રાફિક સમસ્યા ગંભીર બની ગઈ છે, તેથી અમે સ્થળાંતર માટે સતત પ્રયાસ કરી રહ્યા છીએ.
પરંતુ માછીમારો તેમના દાદર સ્થિત આ પ્રાઇમ સ્થળ સાથે ભાવનાત્મક રીતે જોડાયેલા છે. 2021માં BMCએ તેમને જણાવ્યું હતું કે તેમની મહાત્મા જ્યોતિબા ફુલેમાર્કેટ ખાતેની કાયમી જગા એપ્રિલ 2026 સુધી તૈયાર નહીં થાય, તેથી તેમને મુલુંડના એરોલી ટોલપ્લાઝા ખાતે તાત્કાલિક જગ્યા આપવામાં આવશે જ્યાં વીજળી અને શૌચાલયની સુવિધા ઉપલબ્ધ છે.
માછીમારોએ આ નિર્ણય સામે બોમ્બે હાઈકોર્ટમાં અરજી કરી, અને અદાલતે તેમને કાયમી બજાર તૈયાર ન થાય ત્યાં સુધી સેનાપતિ બાપટ માર્ગ પર માછલી વેચવાની પરવાનગી આપી હતી.