સમાચાર

બુધ્વાર, ૧૯ નવેમ્બર, ૨૦૨૫

ભાગીદારે નાણાંકીય ગફલાની ફરિયાદ નોંધાવતા સુરત પોલીસે મુલુંડના હરીશ મડિયારની ધરપકડ કરી

પલસાણા-સુરતમાં ટ્રાંસ્પોર્ટનો વ્યવસાય કરતાં મનીષ ઘેવરચંદ શાહને તેમના સંબંધીએ તેમના મિત્ર દ્વારા અગાઉ મજગાંવ હાલે મુલુંડમાં રહેતા બગુમરા ખાતે આઈ એગ્રોના નામે દાળમીલ ચલાવતા હરીશ જમનાદાસ મડિયાર સાથે 2021માં મુલાકાત કરાવી હતી. મુંબઈ ખાતે બન્ને રૂબરૂ મુલાકાત કરી તા.19 ફેબ્રુઆરી 2021માં ભાગીદારીના કરાર કર્યા. નફા નુકસાનીમાં 50-50 ટકા નક્કી થયા એટલે મનીષ શાહએ તેમની પત્ની પ્રિયંકાના નામે 50 લાખ રૂપિયાની લોન લીધી અને 20 લાખ રોકડા મળી કુલ્લ રૂા.70 લાખ ધંધાના વિકાસાર્થે હરીશ મડિયારના ધંધામાં રોકયા. ફરિયાદી મનીષ શાહ મિલનું સંચાલન કરતા હતા. જ્યારે કાચા માલની ખરીદી, પાકા માલનું વેચાણ આરોપ હરીશ મડિયાર કરતો હતો. હિસાબ કિતાબ આરોપી હસ્તક રહેતું હતું. માત્ર ત્રણ મહિનામાં હિસાબ કિતાબમાં ચિટીંગ કર્યાની જાણ થઈ હતી. પણ હરીશ મડિયારે પોતાના ભાગીદાર વિરૂધ્ધ એફઆઈઆર દર્જ કરાવી હતી. જેનો ચુકાદો આપતા નામદાર કોર્ટ એ આરોપી તરીકે દર્શાવેલ ભાગીદારને ક્લીન ચીટ આપી હતી. પોલીસ સામે દરેક પુરાવા સામે રાખતાં મનીષ શાહની અરજી ગ્રાહ રાખી હરીશને આરોપી બનાવી એફઆઈઆર નોંધી પલસાણા પોલીસે મુલુંડથી હરીશ મડિયારની ધરપકડ કરી હતી. સુરત કોર્ટ સમક્ષ આરોપીને રજૂ કરતાં અને તેની જામીન અરજી નકારી આરોપીને જેલ હવાલે કર્યો હતો અને આરોપીને રાજકોટ સેન્ટ્રલ જેલમાં મોકલી આપેલ છે.
હરીશ મડિયાર વિરૂદ્ધ 2012માં તેની વિરૂદ્ધ 30 લાખ અફરાતફરી કરાયાની ફરિયાદ મુંબઈમાં દર્જ થઈ હતી. મુંબઈમાં જ 2016માં રૂા.બે કરોડ છેતરપીંડી કર્યાની પોલીસ ફરિયાદ થઈ છે. 2024માં જહાંગીરા પોલીસ દ્વારા ધરપકડ થઈ હતી. આમ નાણાંકીય ઉચાપતનો આરોપી મોટો રેકોર્ડ ધરાવે છે.
મુલુંડ પોલીસ સ્ટેશનમાં નિવૃત્ત વિધવા મહિલા ગીતા જે. જોબનપુત્રાએ હરીશ જમનાદાસ મડિયારએ ભીંવડી-પડધા ખાતે પોતાના હસ્તકનું ગોડાઉન રીપેરીંગ કરી આપવાની વાત કરી કુલ્લ 16 લાખ રૂપિયા હડપ કર્યાની ફરિયાદ નોંધાવી છે.
પત્રકાર તરીકે ઓળખાણ આપી ન્યૂઝ પેપરમાં ખોટું ખોટું છાપી વધુ ન છાપવાની સામે ખંડણી માંગનાર તરીકે હરીશ જમનાદાસ મડિયાર રહેવાસી બગુમરાની સીમ, પલસાણા સુરત અને અન્ય બે સાથીદાર સામે તા.21 માર્ચ 2025ના આરોપી તરીકે ઋઈંછ નોંધી હતી.
ભાગીદારી કર્યાના થોડા વખત બાદ મનીષ શાહને વિશ્ર્વાસમાં લીધા વગર આપખુદ રીતે અન્ય સાથે નાણાંકીય કરવા લાગ્યા હતા અને વિશ્ર્વાસ ભંગ કર્યો હતો.
ફરિયાદીએ તેમને આરોપીને લીધે રૂા.22 લાખનો ચૂનો લાગ્યું હોવાનું જણાવ્યું હતું.