સમાચાર

બુધ્વાર, ૨૬ નવેમ્બર, ૨૦૨૫

મુલુંડ ઈસ્ટમાં નવો લિન્ક રોડ થતાં હવે ટ્રાફિક જેમમાં ધરખમ ઘટાડો થશે

તા.23 નવેમ્બર રવિવારે મુલુંડ ઈસ્ટમાં ઈસ્ટર્ન એક્સપ્રેસ હાઈવેને ટાટા કોલોની સામે જોડતા 60 ફૂટ લાંબા વૈકલ્પિક લિંક રોડને હવે મંજૂરી મળતા ધારાસભ્ય મિહિર કોટેચાએ રવિવારે તેનું શિલાયાસ કર્યું હતું. આ પ્રોજેક્ટને લીલી ઝંડી મળતા મ્હાડા જંક્શન, લક્ષ્મીબાઈ સ્કૂલ જંક્શન અને કેમ્પસ હોટેલ જંક્શન પર સાંજના પીકઅવર્સ દરમ્યાન ભારે ટ્રાફીક જામની સમસ્યાઓમાં ધરખમ ઘટાડો થશે. આ સમારોહ ટાટા કોલોનીમાં પૂર્વરંગ સોસાયટી ખાતે યોજાયો હતો જેમાં મોટી સંખ્યામાં મુલુંડના રહેવાસીઓ હાજર રહ્યાં હતા. આ અંગે મિહિર કોટેચાએ જણાવ્યું હતું કે હું છેલ્લા બે વર્ષથી તમામ સંબંધિત વિભાગો સાથે ફોલોઅપ કરી રહ્યો હતો તેથી આ મિસીંગ લિંકનો શિલાયન્સ સમારોહ યોજવાનો મને આનંદ છે. રસ્તાનું કામ એક મહિનાની અંદર પૂર્ણ થઈ જશે. ત્યારબાદ જાહેર જનતા માટે ખોલવામાં આવશે. કોટેચાએ કહ્યું હતું કે હાલમાં આ રસ્તા પર ભારે ટ્રાફિકને પગલે મુસાફરોને રસ્તા પર 30 થી 40 મિનિટનો વધારાનો સમય લાગે છે પણ આ નવો રસ્તો જોડાતા 60 ટકા ટ્રાફીક ઘટવાની અપેક્ષા છે અને તે અંતર કાપવામાં માત્ર પ મિનીટનો સમય લાગશે. આ સંર્દભે મનપા શહેરી વિકાસ વિભાગ તથા સોલ્ટ કમિશનરની પરમિશન લેવામાં આવી હતી.