સમાચાર

બુધ્વાર, ૧૯ નવેમ્બર, ૨૦૨૫

મુલુંડની 30 વર્ષીય યુવતીના મૃત્યુનું કારણ જાણવા રેલવે પોલીસ એક્ટિવ મોડમાં

કલવા દિવા રેલવે-સ્ટેશનની વચ્ચે સોમવાર તા.10 નવેમ્બરે થાણે ગવર્નમેન્ટ રેલવે પોલીસ (CRP)ને એક યુવતીની ડેડબોડી મળી આવી હતી. આ મામલે થાણે ૠછાએ સમયે આકસ્મિક મૃત્યુની નોંધ કરી હતી. ડેડબોડીની ઓળખ મુલુંડ-વેસ્ટના આર.એચ.બી રોડ પર નાંદલા બિલ્ડિંગમાં રહેતી શિખા જૈન તરીકે થઈ હતી જેની ઉંમર 30 વર્ષની હતી. હવે આ કેસમાં શિખાએ આત્મહત્યા કરી હતી કે તેનો અકસ્માત થયો હતો એની સ્પષ્ટતા મેળવવા માટે પોલીસ દ્વારા તપાસ હાથ ધરવામાં આવી છે. પોલીસ પાસેથી મળેલી જાણકારી પ્રમાણે શિખાના પરિવારજનો પાસેથી એવું જાણવા મળ્યું હતું કે ડિલિવરી પછી શિખા માનસિક રીતે અસ્વસ્થ રહેતી એટલે પોલીસને શંકા છે કે શિખાએ બાળકના જન્મ પછી આવતા પોસ્ટપાર્ટમ ડિપ્રેશનને લીધે અંતિમ પગલું ભર્યું હોઈ શકે છે. આ માટે ૠછાએ શિખાના પરિવારના સભ્યો સહિત મોટરમેનનાં સ્ટેટમેન્ટ નોંધવાની પ્રક્રિયા હાથ ધરી છે એટલું જ નહીં મુલુંડ, થાણે સહિત આસપાસના રેલવે-સ્ટેશન પર લાગેલા ઈઈઝટ કેમેરાના ફુટેજ પણ તપાસવામાં આવી રહ્યા છે. શિખાના પરિવાર દ્વારા તેનું માનસિક સતુંલન બરોબર ન હોવાનો દાવો પણ કરવામાં આવ્યો હતો. 
જોકે આ કેસમાં તપાસ શરૂ કરવામાં આવી છે, કારણ કે મૃત્યુ પામનાર મહિલા તેની ચાર મહિનાની બાળકીને ઘરે છોડીને ટ્રેનમાં કેમ આવી હતી? મહિલાએ પોતાનો મોબાઈલ ફોન સાથે કેમ નહોતો રાખ્યો? આ પ્રશ્નો ઉપરાંત મહિલા એ દિવસે ક્યાં પ્રવાસ કરી હતી એની પણ ચોક્કસ માહિતી મળી નથી. આ વિશે જાણકારી લેવા માટે તેના પરિવારના સભ્યોના સ્ટેટમેન્ટ નોંધવામાં આવશે. એ સાથે મોટરમનનું પણ સ્ટેટમેન્ટ આ કેસમાં અગત્યનો રોલ ભજવશે, કારણ કે પ્રાથમિક માહિતી અનુસાર આ મહિલાએ આત્મહત્યા કરી લીધી હોવાની શંકા છે.